የአዲስ አበባ ዩኒቨርሲቲ ጤና ሳይንስ ኮሌጅ ጥቁር አንበሳ ስፔሻላይዝድ ሆስፒታል 1446ኛውን የዒድ አል ፈጥር በዓል ምክንያት በማድረግ በሆስፒታሉ ለሚገኙ ታካሚዎች ማዕድ አጋራ። በማዕድ ማጋራት ፕሮግራሙ የጤና ሳይንስ ኮሌጅ ተ/ ኤክስኪዩቲቭ ዲን አንዷለም ደነቀን (ፕ/ር) ጨምሮ ከፍተኛ የኮሌጁና የሆስፒታሉ የስራ ሀላፊዎች፣ ሠራተኞች እና ከ300 መቶ በላይ የሚሆኑ ታካሚዎች ተሳትፈዋል። በፕሮግራሙ የተሳተፉ የሆስፒታሉ ታካሚዎች እየተሰጧቸው ለሚገኙ የጤና አገልግሎቶችና ለተደረገላቸው የማዕድ ማጋራት ፕሮግራም ምስጋናቸውን አቅርበዋል። ሆስፒታሉ ከአጋር አካላት ጋር በመቀናጀት ከ10ሺ በላይ ለሚሆኑ የእምነቱ ተከታዮች ላለፈው አንድ ወር ሙሉ የአፍጥር ስነ- ስርዓት ሲያካሂድ ቆይቷል። | Addis Ababa University